Turmush — Жайыл районундагы унаа кырсыктан каза болгон адамдын ысымы такталды. Бул тууралуу бүгүн, 23-июнда ӨКМден кабарлашты.
Маалыматка караганда, Бишкек—Ош унаа жолунун 84-чакырымында оор жүк ташуучу «МАN» жана «Мерседес-Бенц Гигант» унаалары кагышкан. Кырсыктын кесепетинен 1983-жылы туулган С.К. аттуу эркек киши каза болуп, 4 эркек киши жабыркаган.
Жабыркагандар:
- 2000-жылы туулган С.А.
- 2000-жылы туулган Ш. уулу Т.
- 2000-жылы туулган А.У.
- 2007-жылы туулган К.Б.
Куткаруучулар каза болгон кишинин денесин унаадан чыгарып, тез жардам кызматкерлерине өткөрүп беришкен. Жабыркагандарды да тез жардам кызматкерлери алып кеткен.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
