Turmush — 2022-жылдын 23нөн 26-июнуна чейин Ысык-Көл районунун аймагында чет элдик делегациялардын башчыларынын катышуусундагы Түрк тилдүү өлкөлөрдүн парламенттик ассамблеясынын 11-пленардык жыйыны өткөрүлөрү күтүлүүдө.
Иш-чарага катышуу үчүн келген чет элдик делегация башчылары жолдо жүрүү учурунда Ысык-Көл районунун Чолпон-Ата шаары аркылуу өтүүчү Балыкчы—Ананьево—Каракол унаа жолу маал-маалы менен убактылуу жабылып, автоунаалардын жүрүүсүнө чектөөлөр киргизилет.
Жыйын өтүү учурунда транспорт каржаттарынын жүрүшүнө убактылуу чектөөлөр киргизилип турат, тагыраак айтканда, коштоп жүрүү маршруттарын өткөрүүдө гана убактылуу жабылышы күтүлөт.
Ошол себептен, облустун тургундары жана меймандары жолдо жүрүүдө ар кандай ыңгайсыз жагдайларга кабылбас үчүн, облус аралык алыскы жолго чыккан жүргүнчү ташуучу кичи автобустарга, жүргүнчү ташуучу жеке таксилерге жана башка автоунааларга Ысык-Көлдүн түндүк тарабы, тагыраагы Жети-Өгүз, Тоң райондору аркылуу жол жүрүү сунушталат.
Иш-чаранын уюштуруучулары жалпы жол кыймылынын катышуучуларынан өтүп жаткан эл аралык иш-чарага байланыштуу болуп жаткан ыңгайсыздыктарды түшүнүү менен кабыл алууну суранат.
