Turmush — Ысык-Көл облусунун Ак-Суу районунда жалпы 14 айыл өкмөт бар. Turmush басылмасынын аймактык кабарчысы алардын 1 жылдык бюджети канча сом экенин сурап билди.
Ак-Суу району — Ысык-Көл облусунун чыгышында жайгашкан. Түндүгүнөн Түп, түндүк-чыгышынан Казакстан, батышынан Жети Өгүз району, түндүк-чыгышынан Кытай менен чектешет.
Сандар 14 айыл өкмөттүн ичинен 12 айыл өкмөт республикалык бюджеттен кошумча каржыланганын көрсөтүп турат. Кеп алардын компетенциясына кирген маселелерди чечүү үчүн финансылык мүмкүнчүлүктөрүн теңдөө максатында минималдуу мамлекеттик социалдык стандарттарга ылайык, жергиликтүү бюджеттин чыгашаларын каржылоону камсыз кылуу үчүн республикалык бюджеттен берилүүчү теңдөөчү гранттар жөнүндө болуп жатат.
Октябрь жана Теплоключенка айыл өкмөттөрүнө быйыл теңдештирүүчү гранттар берилбейт. Эң бай айыл өкмөтү аталган Теплоключенканын бюджети 2-орунда турган Ак-Булуң айыл өкмөтүнөн 3,3 эсе көп.