Turmush — Абдырасулов Бактыбек Молдошевич Чүй районунун Ак-Бешим айыл өкмөтүнүн башчысы болуп дайындалды. Тиешелүү буйрукка аким Жыргалбек Шакиев кечээ, 20-апрелде кол койгон.
Бактыбек Абдырасулов айыл өкмөт башчысы кызмат ордуна муниципалдык кадрлар резервинде турган талапкер болчу. Ал 1967-жылы 16-майда Нарын облусунун Кочкор районуна караштуу Кочкор айылында төрөлгөн. Ал буга чейин окуу жайда мугалим, директор, райондук мамлекеттик администрацияда бөлүм башчы болуп иштеген.
Үй-бүлөөлү, 2 уул, 2 кыздын атасы.
- Буга чейин Ак-Бешим айыл өкмөтүнүн башчысы болуп иштеп келген Нуржан Жоомартбекова Чүй районунун өнүктүрүү фондуна аткаруучу директор болуп дайындалгандыгына байланыштуу 2022-жылдын 9-февралында өз каалоосу менен айыл өкмөт башчысы кызмат ордунан бошотулган.