Turmush — Ысык-Көл облусунун Чолпон-Ата шаарынын 20 жаштагы тургуну Арстан Канатбеков өзүнүн кичи бизнесин түптөөгө жетишти. Ал талыкпаган эмгегинин арты менен гүл, белектер сатылган бир нече дүкөн, пиццерия ачканын аймактык кабарчыга айтып берди.
Өзүнүн айтымында, мындан тышкары көл жээгинде суусундуктар, коктейль сатуучу жайларды иштетет. Ал 4 бир тууган, 2 эжеси жана 1 карындашы бар.
«Апам эс алуу жайларынын биринин аймагында дүкөн иштетчү. Бир күнү апам ооруп калып, ал жерде мен иштеп калдым. Ал учурда 4-класста окучумун. Ошол жерден алгачкы жолу соода кылганды үйрөндүм. 11-класска чейин сабактан кийин, жайкысын ал жерде жатып, товарларды да өзүм алып келип иштеп жүрдүм. 11-класска көчүп жаткан жылы жайкы эс алуу мезгилинде көл жээгинде эс алуучуларга чатырларды ижарага берип иштеп, бир айда 15 000 миң сом тапкам», - деди ал.
Арстан мектепти аяктап, жогорку окуу жайга тапшырганда коронавирус инфекциясына байланыштуу карантин башталган. Бул учурда бизнес түптөөнү баштаган. Ал ар дайым ишкер болууну каалаганын айтат. Ал белгилегендей, ишкерликти баштоо үчүн миллиондогон акча керек деп ойлоп жүргөн.
Толугу менен Turmush басылмасына катталуу менен окуй аласыздар.