Бөлүмдөр
Жума, 13-декабрь
Талас облусу 21.01.2014 11:28

Талас облусунун тышкы соода жүгүртүүсү 2 млрд 476 млн 476 миң сомду түздү

Turmush -  Өткөн жылы Талас облусунун тышкы соода жүгүртүүсү 2 млрд 476 млн сомду түздү. Бул туурасында Экономика министрлигинин Түндүк аймактык башкармалыгынын Таластагы бөлүмүнүн башкы адиси Буланбек Самсиев билдирди, деп маалымдай т өкмөттүн облустагы өкүлчүлүгүнүн басма сөз кызматы.

Анын айтымында, алдынкы жылга салыштырмалуу тышкы соода жүгүртүүнүн көлөмү 157,3%га өскөн. Таласка келген импорттун негизин машиналар, күйүүчү жана майлоочу майлар, химия өнөр жайынын продукциялары жана күнүмдүк керектелүүчү товарлар түзөт.

Ал эми Талас облусу экспортко негизинен төө буурчакты, жашылча-жемиштерди, мал жана мал чарбасынан алынган азык түлүктөрдү жөнөтөт. Түркия, Болгария, Босния, Грузия, Македония, Россия, Казакстан, Азербайжан, Польша, Сербия жана Черногория Талас облусунун негизги өнөктөштөрү болгон.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×