Turmush — Кыргыз-тажик чек арасындагы окуяларда жапа чеккен жана эвакуацияланган мекендештерди колдоо максатында «Компаньон Банк» ЖАК 1 миллион 100 миң сомго азык-түлүк, дары-дармек жана башка керектүү товарларды сатып алды.
Маалым болгондой, банктын кызматкерлеринин күчү менен гуманитардык жардам эвакуация аймагындагы муктаж болгон калктуу конуштарга таратылып, жардам катары берилди. Жабыр тарткан насыя алуучулардын каржылык жүгүн жеңилдетүү үчүн «Компаньон Банкы» ЖАК насыя алган кардарларды колдоо боюнча атайын программа иштеп чыккан. Анын алкагында банк жабыр тарткан кардарлардын 3 миллион сомго жакын насыя боюнча милдеттенмелерин кечет.
Андан тышкары, банк кыргыз-тажик чек арасындагы чыр-чатактын кесепетинен оор экономикалык абалда калган кредиттик кардарларга 100 000 сомдук жардам көрсөтүү үчүн каражат бөлгөн.
Биздин мамлекетте асман бейпилдиги жана ынтымак өкүм сүрөт деп үмүттөнөбүз.