Бөлүмдөр
Шаршемби, 13-ноябрь
Жалал-Абад облусу, Жалал-Абад 09.11.2019 15:39

Жалал-Абаддын тургундары кыргыз тилин билүү деңгээлин текшеришти

Turmush -  Жалал-Абад шаарынын 60тан ашык тургуну «Кыргызтест» мамлекеттик мекемеси уюштурган кыргыз тилин билүү деңгээли боюнча тестирлөөдөн өттү. Бул тууралуу аймактык кабарчы билдирди.

Маалым болгондой, тестирлөө мамлекеттик тилдин 30 жылдыгына карата уюштурулган.

«Буга чейин Бишкек шаарында, Ысык-Көл жана Ош облустарында тестирлөө өткөрдүк, катышуучулардын саны көп болду. Биздин мекеме мамлекеттик кызматкерлер үчүн жыл сайын жат жазуу өткөрүп келет. Быйыл жылдагыдан айырмаланып, өзүн сынап көргүсү келген жарандарды тестирлөөдөн өтүүгө чакырдык.

Жалал-Абад шаарында ушул учурга чейин 60тан ашуун адам тестирлөөдөн өттү. Анын ичинен 20 адам мамлекеттик кызматкерлер болсо, калганы студенттер, окуучулар жана шаар тургундары. Катышуучулар 5 деңгээл боюнча тест тапшырышты. Негизинен лексикология жана грамматикалык жактан ката жазгандар басымдуу болду», - деди «Кыргызтест» мамлекеттик мекемесинин директору Батма Топоева-Ставинская.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×