Бөлүмдөр
Шаршемби, 13-ноябрь
Нарын облусуКочкор району 09.11.2019 12:08

Кочкордогу музейде Т.Усубалиевдин колдонгон буюмдары коюлган эмес

Turmush -  Нарын облусунун Кочкор районунун борборунан орун алган Осмонаалы Сыдык уулу атындагы тарыхый край таануу музейинде мамлекеттик ишмер Турдакун Усубалиевдин 100 жылдыгына арналган бөлүм ачылды. Бул тууралуу аймактык кабарчы билдирди.

Музейдин кызматкерлеринин айтымында, бул бөлүм мурда эле жасалган. Мамлекеттик, саясий ишмер Турдакун Усубалиевдин 100 жылдыгына карата кайрадан оңдолуп жасалды.

«Музейде мамлекеттик ишмердин өмүр баяны, ишмердүүлүгү, ата-теги тууралуу маалыматтар, сүрөттөр, ал тууралуу чыккан маалыматтар бар. Бирок Турдакун Усубалиевдин колдонгон буюмдары коюлган эмес. Анын буюмдары Кочкор айылындагы Калыгул Бай уулу атындагы жана Көк-Жар айылындагы Т.Усубалиев атындагы орто мектептердин музейлеринде сакталган. Ал музейлерге көп деле адам бара бербейт. Мамлекеттик ишмердин буюмдарын райондук музейге өткөрүп беришсе жакшы болмок. Бизге туристтер жана башка адамдар көп келет. Сактоо эрежелерин да колдонмокпуз», - дешти музейдин кызматкерлери.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×