Бөлүмдөр
Жекшемби, 17-ноябрь
Ош облусу, Ош 26.10.2019 16:47

Ошто грек-рим күрөшү боюнча эл аралык мелдеш старт алды (сүрөт)

Turmush -  Ош шаарында алыш күрөшүнүн негиздөөчүсү Баяман Эркинбаевдин жаркын элесине арналган эл аралык мелдеш өтүүдө. Бул тууралуу аймактык кабарчы билдирди.

Бүгүн, 26-октябрда Ош шаарында спорттун грек-рим күрөшү боюнча эл аралык мелдеш старт алды. Анын салтанаттуу ачылышына вице-мэр Жасур Азимов, шаардык дене тарбия жана спорт комитетинин төрагасы Кылыч Саркарбаев, спортчулар, машыктыруучулар жана спорт сүйүүчүлөрү катышты. Анын алкагында Баяман Эркинбаевге багышталып куран окулду.

К.Саркарбаев аталган мелдеш Ош шаарында 9-ирет өтүп жатканын белгиледи. Эл аралык турнирге Кыргызстан, Казакстан, Өзбекстан, Тажикстан жана Россиянын 200дөн ашуун спортчулары катышууда. Балбандар 10 салмак категория боюнча күч сынашат.

Мелдеш эртең, 27-октябрда жыйынтыкталып, жеңүүчүлөр диплом, медаль, баалуу белектер менен сыйланат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×