Бөлүмдөр
Жекшемби, 17-ноябрь
Баткен облусуКадамжай району 18.10.2019 20:20

Баткенде кыргыз-тажик жаштарынын футбол мелдеши уюштурулду

Turmush -  Бүгүн, 18-октябрда Баткен районунун Самаркандек айылында кыргыз-тажик жаштарынын ортосунда кичи футбол мелдеши өттү. Бул тууралуу Баткен ОИИБден билдиришти.

Маалыматка караганда, жаштардын ынтымагын бекемдөө максатында уюштурулган мелдешке Ак-Татыр, Ак-Сай, Самаркандек айыл аймактарынын жана Тажикстандын Исфара районунун Чорку, Ворух, Сурх айыл аймактарынын жаштары катышты. Эки жактын футболчулары аралашып 4 командага бөлүнүп, оюн кызуу жүрдү. Жыйынтыгында жеңүүчү командалар баалуу белектер менен сыйланышты.

Оюн милиция кызматкерлери тарабынан уюштурулуп, чек ара аймактарында жыл сайын өткөрүлүп турат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×