Бөлүмдөр
Жекшемби, 17-ноябрь
Нарын облусуАт-Башы району 28.09.2019 10:34 На русском

Тилек Султангазы уулу Ат-Башы райондук эмгек жана социалдык өнүгүү башкармалыгынын жетекчиси болду (өмүр баяны)

Тилек Султангазы уулу
Тилек Султангазы уулу

Turmush -  Ат-Башы райондук эмгек жана социалдык өнүгүү башкармалыгынын жетекчиси болуп Тилек Султангазы уулу дайындалды. Бул тууралуу аймактык кабарчы билдирди.

Тилек Султангазы уулу 1980-жылы 9-майда Ат-Башы районунун Ат-Башы айылында туулган. 1997-жылы Ат-Башы айылындагы Казыбек атындагы орто мектебин аяктаган. Жогорку билимдүү, 2002-жылы Бишкек гуманитардык университетинин экология факультетин бүтүргөн. Үй-бүлөлүү, 4 баланын атасы.

Эмгек жолу:

- 1997-2003-жылдары Нарын облустук мергенчилик кызматында инспектор;

- 2004-2006-жылдары Ат-Башы райондук №957 жол тейлөө мекемесинде оператор;

- 2006-2007-жылдары Ат-Башы райондук социалдык өнүгүү башкармалыгында 1-категориядагы адис;

- 2007-2008-жылдары Ат-Башы райондук социалдык өнүгүү башкармалыгында жетектөөчү адис;

- 2008-2011-жылдары Ат-Башы райондук социалдык өнүгүү башкармалыгында башкы адис;

- 2011-жылдан тарта Ат-Башы райондук социалдык өнүгүү башкармалыгынын жетекчисинин орун басары;

- Ушул жылдын 19-сентябрь күнү Ат-Башы райондук социалдык өнүгүү башкармалыгынын жетекчиси болуп дайындалды.

Мамлекеттик кызматтын 2-класстагы кеңешчиси. Эмгек жана социалдык өнүгүү министрлигинин жана Ат-Башы райондук мамлекеттик администрациясынын ардак грамоталары менен сыйланган. Нарын облусу боюнча «Мыкты кызматкер», «Социалдык коргоонун отличниги», «Мыкты мамлекеттик кызматкер» наамдарынын ээси.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×