Бөлүмдөр
Жекшемби, 17-ноябрь
Ош облусу, Ош 24.09.2019 11:07

Ошто эл аралык театр фестивалы өтүп, спектаклдер акысыз коюлууда

Turmush -  Ош шаарында эл аралык «АRT-ORDO» театр фестивалы өтүүдө. Бул тууралуу мэриядан билдиришти.

Кечээ, 23-сентябрда Кыргыз Республикасынын эл артисти Жамал Сейдакматованын 80 жылдык мааракесине карата VII «ART-ORDO» эл аралык театр фестивалы старт алды. Фестивалга Азербайжан, Казакстан, Тажикстан, Өзбекстан, Түркия, Россия жана Кыргызстандын маданият тармагындагы өкүлдөрү катышууда. Фестивалдын алкагында бир катар спектаклдер акысыз коюлат.

Фестивалдын программасы:

24-сентябрь

- 10:00 — Фестивалдын салтанаттуу ачылыш аземи. С.Ибраимов атындагы Ош улуттук драма театрында өтөт;

- 11:00 — Нарын облустук М.Рыскулов атындагы музыкалык драма театры тарабынан «Жамийла» спектакли коюлат. Дареги: Бабур атындагы Кыргыз мамлекеттик академиялык өзбек музыкалуу драма театры;

- 18:00 — Ч.Айтматов атындагы мамлекеттик орус драма театры тарабынан «Нежность» спектакли коюлат. Дареги: С.Ибраимов атындагы Ош улуттук драма театры.

25-сентябрь

- 10:00 — Ысык-Көл облустук К.Жантөшев атындагы музыкалык драма театры тарабынан «Көздөн учкан көк жээк» спектакли коюлат. Дареги: Бабур атындагы Кыргыз мамлекеттик академиялык өзбек музыкалуу драма театры;

- 14:00 — Азербайжан мамлекеттик жаш көрүүчүлөр театры «Мен өлгөндө сен ыйлаба» («Ты не плачь, когда я умру») спектакли коюлат. Дареги: «Кыргызстан» кинотеатры;

- 16:00 — Өзбек мамлекеттик Фергана облустук музыкалдык драма театры тарабынан «Ат минген аял» спектакли коюлат. Дареги: Бабур атындагы Кыргыз мамлекеттик академиялык өзбек музыкалуу драма театры;

- 18:00 — Казакстандын Нур-Султан шаардык жаштар театры тарабынан «Кылымдан да узак» спектакли коюлат. Дареги: С.Ибраимов атындагы Ош улуттук драма театры.

26-сентябрь

- 10:00 — Х.Бөкеева атындагы Батыш Казакстан облустук музыкалык драма театры тарабынан «Кызыл жоолук жалжалым» спектакли коюлат. Дареги: Бабур атындагы Кыргыз мамлекеттик академиялык өзбек музыкалуу драма театры;

- 14:00 — Өзбекстандын Наманган облустук музыкалык драма театры тарабынан «Амир-Темир» спектакли коюлат. Дареги: С.Ибраимов атындагы Ош улуттук драма театры;

- 16:00 — Түркиянын Стамбул шаардык театры тарабынан «Коркут ата» спектакли коюлат. Дареги: «Кыргызстан» кинотеатры;

- 18:00 — А.Лахути атындагы Тажикстан мамлекеттик академиялык драма театры тарабынан «Улуу акын Абулкасым Фирдаустун тагдыры жана анын өлбөс «Шах намеси» спектакли коюлат. Дареги: С.Ибраимов атындагы Ош улуттук драма театры.

27-сентябрь

- 10:00 — Түштүк Казакстан облусунун С.Муканов атындагы музыкалык драма театры тарабынан «Кара көз» спектакли коюлат. Дареги:Бабур атындагы Кыргыз мамлекеттик академиялык өзбек музыкалуу драма театры;

- 12:00 — Т.Абдымомунов атындагы Кыргыз улуттук академиялык драма театры тарабынан «Кылым карытар бир күн» спектакли коюлат. Дареги: С.Ибраимов атындагы Ош улуттук драма театры;

- 19:00 — Фестивалдын салтанаттуу жабылышы. Дареги: С.Ибраимов атындагы Ош улуттук драма театры.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×