Бөлүмдөр
Жекшемби, 20-октябрь
Баткен облусуЛейлек району 15.09.2019 13:31 На русском

Кыргыз-тажик чек арасындагы такталбаган аймакта курулуш иштери уланууда

Turmush -  Лейлек районунда абал туруктуу, деп билдирди аким Баймурат Бекмуратов.

Анын айтымында, учурда жергиликтүү тургундардын арасында түшүндүрүү иштери жүргүзүлүп жатат.

Аны менен катар эле Turmush басылмасына Баткен облусунун жетекчилиги тажик тараптын жетекчилери менен сүйлөшүүлөрдү жүргүзгөнү белгилүү болду. Өздүк булактар маалымдагандай, сүйлөшүүлөрдү эки тараптын чек ара кызматынын өкүлдөрү жүргүзүп жатышат. Андан тышкары, кечээ, 14-сентябрда эки өлкөнүн Транспорт жана жолдор министрлигинин өкүлдөрү жолугушкан.

Учурда кыргыз-тажик чек арасындагы такталбаган аймакта курулуш иштери уланууда.

Кечээ, 14-сентябрда Turmush басылмасы Баткен районунун Ак-Сай айылынын Төрт-Көчө аймагында жергиликтүү жашоочулар чогулганын жазган.

Алар чек аранын аймагында курулуш иштерин баштаган тажикстандыктарга нааразы болуп чыгышкан. Тажик тарап Баткен–Исфара жолунун эки тарабына 10 «КамАЗ» шагыл төгүшкөн.

Толук маалымат бул шилтемеде.

Ошондой эле Turmush басылмасы Тажикстан чек арадагы такталбаган 3 аймакта курулуш иштерин баштаганын жазган.

Толук маалымат бул шилтемеде.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×