Бөлүмдөр
Жекшемби, 15-сентябрь
Ысык-Көл облусуТүп району 10.05.2019 15:06 На русском

«Жер тилкемди, үйүмдү бүт алгыла»: Ысык-Көлдө өзүн өрттөгөн адам эсине келди

Иллюстрациялык сүрөт
Иллюстрациялык сүрөт

Turmush -  Өзүнө өрт койгон Түп районунун Жылуу-Булак айылынын 40 жаштагы тургуну Нурлан Абдышевди Бишкек шаарындагы күйүк борборуна которушту, деп билдирди аймактык кабарчы.

Бүгүн, 10-майда бейтапты атайын реанимациялык-мобилдүү унаада жана дарыгерлердин коштоосунда №4 Бишкек шаардык клиникалык ооруканасына которушту.

Түп райондук ооруканасынын маалыматына караганда, Н.Абдышевдин денесинин 85 пайызы күйүп, абалы оор болгондуктан №4 Бишкек шаардык ооруканасынын дарыгерлери менен кеңешме өткөрүшкөн.

Ал эми Нурлан Абдышевдин туугандары анын шок абалынан чыгып, өзүнө келгенин айтышууда.

Окуя тууралуу:

Буга чейин Turmush басылмасы 6-майда Н.Абдышев денесине бензин чачып, өзүн өрттөгөнүн жазган. Күйүп жатканда өрттү айыл тургундары өчүрүп калып, райондук ооруканага жеткиришкен.

Келинчеги Назгүл Эшимованын айтымында, жолдошу буга чейин талашка түшкөн 11 сотых жер маселеси боюнча акыйкат издеп, бир катар тийиштүү органдарга кайрылып келген. Бирок андан жыйынтык болгон эмес. Бул маселе көп жылдан бери чечилбей келгенине нааразы болгон жолдошу өлкөдө акыйкат жок экенин айтып, ошол күнү өз өмүрүнө кол салууга аракет кылган.

Жабырлануучунун жакындары жер талашкан маселеге чекит коюп берүүнү өтүнүп, тийиштүү укук коргоо органдарына жана бийлик өкүлдөрүнө кайрылуу жолдошкон.

Окуя болгон күнү дарыгер бейтап жандандыруу бөлүмүнө жатканын билдирген.

Нурлан Абдышев 1977-жылы туулган, үч баланын атасы. Учурда келинчеги кош бойлуу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×