Бөлүмдөр
Ишемби, 19-октябрь
Ош облусу, Озгон 04.04.2019 18:15 На русском

Өзгөн шаарынын мэри кызматына бир талапкер катталды

Рахман Атаджанов
Рахман Атаджанов

Turmush -  Өзгөн шаарынын мэри кызматына бир талапкер катталды, деп Өзгөн аймактык шайлоо комиссиясынын төрагасы Калыбек Акыбаев билдирди.

Анын айтымында, мэрдин кызматына учурда бир гана талапкер — Өзгөн шаарынын вице-мэри Рахман Атаджанов катталды. Талапкерлерди каттоо 9-апрель күнү саат 18:00гө чейин жүрөт.

Буга чейин Өзгөн шаарынын экс-мэри Саипжан Пратовго 1 сотых жер тилкеси үчүн кылмыш иши козголуп, убактылуу мэрликтен четтетилген. Кийинчерээк ал өз каалоосу менен кызматынан кеткен. 2 жылдан бери мэрдин милдетин вице-мэр Рахман Атаджанов аткарып келген.

Буга чейин Борбордук шайлоо комиссиясы Өзгөн шаарынын мэрин шайлоо күнү белгиленгенин билдирген. Шаардык кеңештин депутаттары 17-апрель күнү саат 09:00дөн тарта 12:00гө чейин добуш берүү аркылуу мэрди шайлашат.

«Жергиликтүү өз алдынча башкаруу жөнүндө» Кыргыз Республикасынын мыйзамынын 42-беренесине ылайык жогорку билими жана мамлекеттик, муниципалдык кызматта 3 жылдан кем эмес иш стажы же билим берүүнүн, саламаттыкты сактоонун мамлекеттик мекемелеринде же уюмдардын, мекемелердин жана жеке менчик чарба субъекттердин жетекчилик кызматтарында 5 жылдан кем эмес иш стажы бар жаран шаардын мэри боло алат. Кылмыш жасагандыгы үчүн соттолгон жаран мэр болуп эмгектенүүгө укуксуз.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×