Бөлүмдөр
Шейшемби, 15-октябрь
Баракелде, Бишкек 28.02.2019 15:18 На русском

Илим Карыпбеков КТРКнын башчысына талапкер болуудан баш тартты

Илим Карыпбеков
Илим Карыпбеков

Turmush -  Бүгүн, 28-февралда КТРКнын башчылыгына талапкерлер маектешүүдөн өтүп жатышат. Аларга байкоочу кеңештин мүчөлөрү суроолорду берүүдө.

Анын жүрүшүндө учурдагы жетекчи Илим Карыпбеков сынакка катышуудан баш тартканын жарыялады. Мындай чечимди жеке өзү кабыл алганын айтты. Ал эми марттын аягына жана апрелге белгиленген Жогорку Кеңеш менен Байкоочу кеңешке отчет берүүдө жоопкерчилик алууга даяр экенин кошумчалады.

«КТРК менин үй-бүлөмдөй болуп калды. Ал эми отчет берүүдө жоопкерчиликтен качпайм. Жаңы жетекчиге жеңил болушу үчүн азыр өзүмдүн бир жылдык жана 4 жылдык отчетумду даярдап жатам», - деди И.Карыпбеков.

Байкоочу кеңеш И.Карыпбековго талапкер катары суроо берүүнү токтотуп, каалоо-тилектерди айтууга өтүштү. Аягында кеңештин мүчөлөрү И.Карыпбековдун талапкерликтен баш тартуу тууралуу арызын бир добуштан колдошту.

И.Карыпбеков КТРКнын жетекчиси болуп мындан 4 жыл мурда шайланган. Анын жетекчилик мөөнөтү 2019-жылдын 19-мартында аяктайт.

КТРКны жетектөөгө 22 талапкер катталып, үчөө 2-турга өткөн эмес. Алардын тизмеси бул шилтемеде.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×