Бөлүмдөр
Дүйшөмбү, 23-сентябрь
Баракелде, Бишкек 16.02.2019 11:25 На русском

Үйдөн сыналгы менен телефон уурдап кетип бара жаткан адам автобекеттен кармалды (сүрөт)

Turmush -  5-февралда Бишкекте уурулук кылмышка шектелген адам кармалды. Бул тууралуу бүгүн, 16-февралда Бишкек ШИИБден билдиришти.

Маалыматка караганда, милиция кызматкерлери 5-февралда түнкү саат 4:00 чамасында Бишкектеги батыш автобекеттен заманбап сыналгы көтөрүп бара жаткан адамды көрүшкөн. Алар аны токтотуп, сыналгыны кайдан алып кетип бара жатышкандыгын сурашкан. Жагдайды териштирүү үчүн аны Биринчи май РИИБге алып келишкен. Анын жанынан 8 телефон жана моюнга таккан күмүш чынжырча табылган. Ошол эле күнү эртең мененки саат 7:00 чамасында Биринчи май РИИБге шаардын тургуну Т.Н. арыз жазып, ошол түнү белгисиз адам үйүнө кирип, сыналгысын, чөнтөк телефонун уурдап кеткендигин билдирген. Келтирилген чыгымдын көлөмү 22 миң сомду түзгөн.

Иликтөөнүн жүрүшүндө автобекеттен кармалган, 1985-жылы туулган А.Н. бул кылмышка шектүү экендиги такталды. Ал 2 аймагы камакка алынып, иликтөө иштери жүрүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×