Бөлүмдөр
Шейшемби, 22-октябрь
Ош облусу, Ош 18.08.2018 17:04

Ош шаарында июль айына карата 512,1 млн сом салык жыйналды

Turmush -  Ош шаарынын мэриясы, Ош шаардык салык кызматы жана жол кыймылынын коопсуздугун камсыздоо бөлүмүнүн кызматкерлери унаа салыктарын жыйноо максатында рейд өткөрүп жатат. Бул иш-чара августтун аягына чейин улантылат.

Мэриянын маалыматы боюнча, Мамлекеттик салык кызматынын 2018-жылдын 30-июлундагы буйругунун негизиндеги бир айлыктын алкагында шаардагы милдеттүү патент менен иштеген чарбалык субъекттерди текшерүү иштери 6-августта башталган. Анын жүрүшүндө салык мыйзамдарын бузуп, салыктарды толук төлөбөй жашырып жүргөн жана өз мөөнөтүндө салык төлөбөгөн ишкерлерге түшүндүрүү иштери жүргүзүлүп, айрымдарына атайын акт түзүлүүдө.

Жергиликтүү бюджетке 2018-жылдын январь-июль айында салыктык жана салык эмес кирешелер боюнча (атайын каражаттарды кошпогондо) 493,7 млн сомдук план түзүлсө, иш жүзүндө 512,1 млн сом жыйналган. Муну менен план 103,7 пайызга аткарылып, пландагыдан 18,4 млн сом ашты. Ал эми 2017-жылдын ушул мезгилинде салык 121 млн сомго, же 31 пайызга көп чогултулган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×