Бөлүмдөр
Дүйшөмбү, 14-октябрь
Ысык-Көл облусуАк-Суу району 15.06.2016 13:49

Ак-Булак жана Ак-Булуң айылдарын байланыштырып турган көпүрөнү суу алып кетти (фото)

Turmush -  Ак-Суу районунун Ак-Булак айылынын көпүрөсүн суу алып кетип, жергиликтүү тургундар Ак-Булуң айылына жана айдоо аянттарына бара албай калды. Бул тууралуу аймактык кабарчыга жергиликтүү тургундар билдиришти.

Алардын айтымында, түндө нөшөрлөгөн жаандан кийин Түргөн суусу көбөйүп, Ак-Булак жана Ак-Булуң айылдарын байланыштырып турган көпүрөнү суу алып кетти.

Айыл тургуну Сагынбек Турдубаев бул суунун жээгинде 20 түтүн эл бар экенин айтат. Суу каптагандыктан, электр мамылары кулап калбаса экен деп чочулап жатышат.

Бүгүн райондун акими Жолдошбек Байсеитов ал жерге барып, эл менен жолугушту. Ал өзгөчө кырдаалды алдын алууга керектүү техника бериле турганын айтты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×