Фоторепортаж - Кыргызстан-Өзбекстан футболдук мелдеши өтүүчү Ташкенттеги «Бунедкор» стадиону

Turmush -  Футбол боюнча Кыргызстандын улуттук курама командасы 2-июнда Өзбекстандын курамасы менен жолдоштук беттеш өткөрөт. Өзбекстандын футбол федерациясы билдиргендей, оюн Ташкенттеги «Бунедкор» стадионунда орун алат. Бул тууралуу Спорт АКИpress жазды.

Бул стадиондо өзбекстандык команда 4 матч өткөргөн, анын үчөөндө жеңишке жетсе, бир оюнда тең чыккан. Акыркы матчта «Бунедкор» стадионунда 24-мартта Өзбекстан Бахрейнди кабыл алган, жана 1:0 эсебинде жеңишке жеткен.

«Бунедкор» стадиону — Ташкенттеги футболдук стадион, 2012-жылы 28-сентябрда ачылган. Стадионго 35 миң көрүүчү батат. 2008-2012-жылдары курулган. «Бунедкор» клубунун жана Өзбекстандын улуттук курамасынын өздүк талаасы болуп эсептелет.