Бөлүмдөр
Дүйшөмбү, 21-октябрь
Жалал-Абад облусуЧаткал району 23.03.2016 10:48

Фото - «Чаткал периси - 2016» сынагынын катышуучулары жол тандабас унаалар менен келип, кызыл килемден өтүштү

Turmush -  Чаткал районунда «Чаткал периси - 2016» кароо-сынагы өтүп, айымдар жол тандабас унаалар менен келип, кызыл килем үстүнөн өтүштү, деп билдирди Turmush басылмасынын кабарчысы.

Сынак Тарых жана маданият жылына карата Ч.Айтматов атындагы райондук маданият үйүндө өткөрүлдү. Ага райондун ар кайсы айылдарынан тандалып алынган 7 кыз катышып, «Чаткал периси 2016» наамына ат салышты.

Катышуучулар алгач жол тандабас унаалар менен бирден келишип, мырзанын коштоосунда кызыл килем менен басып өтуштү. Андан соң, кароо-сынактын негизги бөлүгү башталып, катышуучулар программага ылайык, кезеги менен элдик жана заманбап эстрадалык ырлардан обон созушуп, улуттук жана заманбап бийлерди аткарышып, көрүүчүлөргө өз өнөрлөрүн тартуулашты. Мында катышуучулардын айрымдары улуттук «кара жорго» бийин бийлешсе, айрымдары рок-н-ролл бийин аткарышып, элдин купулуна толду.

Андан сырткары, повестерден үзүндү аткарышты. Катышуучулардын айрымдары өздөрүнүн улуттук кол өнөрчүлүк жана мода жаатындагы өнөрлөрүн тартуулашты. Соңунда Ч.Айтматов атындагы райондук маданият үйүнүн башчысы К.Бекмуратов баштаган калыстар тобунун чечими менен Жаңы-Базар айылынан келген Айзада Кадырбек кызы «Чаткал периси - 2016» деп табылды. Калган 6 катышуучу ар кандай наамдар жана райондук мамлекеттик администрациянын Ардак грамоталары менен сыйланышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×