Turmush — Баткен районунун Бужум айылынын Калинин аймагынын тургуну Жоро Жусупов 60 түп өрүк багынан жылына 1 миң 500 кг түшүмүн алат. Аймактык кабарчы багбан менен таанышты.
Өзүнүн айтымында, өрүк бактарын өстүрүп, багуу жана андан мол түшүм ала билүү оңой иш эмес. Өрүк бактарын туура бутоо, кышкысын өрүк бактарын жакшылап сугаруу, ар бир өрүк багынын түбүнө 6 килограммдан кем эмес жер семирткич салып, жыл сайын дарылоо керек.
«Көпчүлүк өрүктөрдүн ашыкча бутактарын кыркпагандыктан, шактары ой келди өсүп, мөмө байлоодо зыянын тийгизет. Ошондуктан күн нуру тийип, жетиштүү аба кирип туруш үчүн ортодон өскөн шактарды жыл сайын кыркып, дарактын эркин дем алып, көп мөмө байлоосу үчүн шарт түзүү керек. Мындан сырткары, суу жана керектүү жер семирткичтер менен камсыз кылуу өтө маанилүү», - деди ал.
