Turmush — Бүгүн, 23-апрелде – Китеп жана автордук укук күнүнө, ошондой эле Жалал-Абад облустук китепканасынын 100 жылдык мааракесине карата эл аралык «XVII КИТЕП FEST 2026» фестивалы өткөрүлдү.
Маалым болгондой, иш-чарага дубан башчысы Тилек Текебаев, чет өлкөлөрдөн келген акын-жазуучулар, басмакана кызматкерлери, маданият жана адабият өкүлдөрү, ошондой эле өлкөнүн бардык аймактарынан келген китепкана кызматкерлери катышты.
Облус боюнча 178 китепкана калкка кызмат көрсөтүп келет. Фестивалдын катышуучулар фестиваль жүрушүндө облустук китепкананын жана шаардык музейдин ишмердүүлүгү менен таанышып чыгышты. Китептердин жармаңкеси уюштурулду.