Turmush — Жалал-Абад облусунун Манас шаарында газ менен жүрүүчү автобустар каттамга чыкпай жатканына 6 күн болду.
Turmush басылмасынын кабарчысы билдиргендей, шаар бийлиги анын негизги себебин жаратылыш газынын басымынын төмөндөп кеткендиги менен байланыштырып жатат.
Шаар мэринин орун басары Уларбек Исмаилов,дун айтымында, жаратылыш газынын басымы калыбына келгенде автобусттар каттамга чыгат.
«Калаа аймагында жүргүнчүлөрдү 60 муниципалдык автобус тейлейт. 11-марттан бери 10 электробус жана жеке менчик жүргүнчүлөрдү ташуучу компаниялардын кичи автобустары каттамга чыгып жатат. Газдын басымы калыбына келээр замат муниципалдык автобазадагы автобустар каттамга чыгат», - деди Исмаилов.
Калаада коомдук транспорттун каттамдарды үзгүлтүккө учурашы биринчи жолу эмес. Мындай көрүнүш аба ырайы кескин суук болгон учурда кайталанып келет. Жергиликтүү бийлик газ коңшу Өзбекстандан алынарын, мындан улам басым азайып жатканын, бирок бул көрүнүш жакынкы суткада калыбына келээрин кошумчалады.
--------------------------------------------------------
2023-жылдын 26-октябрында президент Садыр Жапаров Жалал-Абад шаарынын күнүндө 50 автобус тапшырган. Ал автобустар шаар күнүнө карата белек катары берилгенин айткан.
Автобустар газ менен жүрүп, ага 24-34 жүргүнчү батат. Автобустун узундугу 12 метрге чейин жетет.