Turmush — Торобеков Каримбек Үсөнбекович Манас шаарынын мэриясынын маалымат борборунун башчысы болуп дайындалды. Тиешелүү буйрукка Манас шаарынын мэри Абдупата Маткаликов кол койду.
Кечээ, 16-мартта мэриянын аппарат жетекчиси Нурбек Караев жаңы дайындалган жетекчини эмгек жамаатына тааныштырды.
Торобеков Каримбек Үсөнбекович 1981-жылдын 13-декабрында Жалал-Абад облусунун Базар-Коргон районунун Сейдикум айылында төрөлгөн.
Билими жогорку. 2004-жылы Кыргыз-Өзбек университетинин тарых жана география адистигин аяктаган.
Эмгек жолу:
- 05.03.2005-ж. – 30.08.2008-ж. — Жалал-Абад облусунун Базар-Коргон районундагы А.Жумабаев атындагы №44 орто мектебинде тарых мугалими;
- 01.07.2022-ж. – 16.04.2024-ж. — Кыргыз Республикасынын Жогорку Кеңешиндеги «Ишеним» фракциясынын катчылыгында улук консультант;
- 16.04.2024-ж. – 22.04.2025-ж. — Кыргыз Республикасынын Жогорку Кеңешинин Борбордук аппаратынын маалыматтык технологиялар бөлүмүндө улук консультант.
Манас шаарынын мэриясынын Маалымат борборун буга чейин Кабылбек Көчкөнбай уулу жетектеп келген. Ал «Манас сууканал» башкармалыгынын башчысынын орун басары болуп дайындалды.