Turmush — Орок айылында «Евразия» көңүл ачуучу жайынын курулушу 80 пайызга аяктап калды. Жайдын аягына чейин региондогу ири маданий-көңүл ачуучу жай ачылат.
Бул парк Евразиялык экономикалык союздун (ЕАЭС) 10 жылдыгына карата жеке менчик каражаттардын эсебинен курулууда. Ал Кыргызстан менен Россиянын ортосундагы достуктун жана стратегиялык өнөктөштүктүн символу болот.
«Евразия» паркы департаментинин директору Каныбек Жуманбаев курулуштун жүрүшү жана парктын өзгөчөлүктөрү тууралуу айтып берди.
«Бул парк 10 гектар жерди ээлейт. Анын ичинде 30дан ашык аттракцион, аква-зона, кичи футбол аянтчасы, воркаут зонасы, цирк, дино-парк, балдар аянтчалары, лабиринт жана концерттер үчүн ылайыкталган сахна, боз үй формасындагы көргөзмө комплекси болот. Парк жыл бою — жайында да, кышында да иштейт. Маселен, кышында кичи футбол аянтчасы муз аянт катары колдонулат.
Учурда «Евразия» деген мобилдик колдонмо иштелип жатат. Анда аттракциондордун иш убактысы, фестивалдар жана башка иш-чаралар тууралуу маалымат алууга болот. Бул колдонмо жана расмий сайт аркылуу узун кезектерди болтурбоо максатында онлайн каттоо уюштурулат.
Мисалы, сиз келе турган убактыңызды тандап, колдонмо аркылуу QR-код менен парктын аймагына кире аласыз. Аттракциондорго да электрондук кезекке туруу мүмкүнчүлүгү болот. Парктагы бардык көңүл ачуулар акысыз», — деди Жуманбаев.
Аттракциондордогу эң башкы нерселердин бири — коопсуздук. Парктын аттракциондору Европа өлкөлөрүндөгү заводдордон алынып келинген. Алар дүйнөлүк стандарттарга жооп берет жана заводдон берилген атайын сертификаттары бар.
Парк 300 адамды жумуш менен камсыз кылат. Келүүчүлөрдүн коопсуздугун камсыз кылуу үчүн 45 күзөтчү иштейт. Бардык аймактарга видеокамералар орнотулат. Ага кошумча милиция кызматкерлери жана медициналык пункт иштейт.
Ар бир аттракциондун өзүнүн операторлору жана администраторлору болот. Алар тиешелүү бардык окуу курсунан өтүшөт. Парктын ишиндеги маселелерди ыкчам чечүү үчүн администрациянын 2 имараты курулат.
Аттракциондор балдар жана чоңдор үчүн ылайыкталган. «Евразия» паркында Борбор Азиядагы эң чоң «Русские горки» аттракциону курулат. Анын узундугу — 720 метр, бийиктиги — 34 метр. Бул аттракционго Ысык-Көлгө Боом капчыгайы аркылуу соккон шамалга байланыштуу «Улан» деген аталыш берилген.
Келүүчүлөр үчүн жагымдуу шарттарды түзүү максатында 2600 чарчы метр көлөкө зонасы уюштурулат. Ал жерлерде майда суулар чачырап турат. Парктын аймагына 2000ден ашык дарак отургузулат, 60 миң чарчы метр газон төшөлөт, 30 топиардык фигура, 650 чырак жана 6 чакырым ретрогирлянда орнотулат.
Аттракциондордогу башкы нерселердин бири — коопсуздук болот. Парктын аттракциондору Европа мамлекеттериндеги заводдордун алынып келинди. Алар дүйнөлүк стандарттарга жооп берет жана заводдон атайын сертификаттары бар.
Парк 300 адамды иш менен камсыз кылат. Келгендердин коопсуздугу үчүн 45 күзөтчү иштейт. Бардык аймакка видеокамералар коюлат. Ага катар эле милиция жана медпункт иштейт.
Ар бир аттракциондун өзүнүн операторлору жана администраторлору болот. Алар тиешелүү бардык окутуулардан өтүшөт. Парктын ишиндеги маселелерди убагында чечүү үчүн администрациянын 2 имараты курулат.
Аттракциондор кичинекейлер жана чоңдор үчүн болот. «Евразияда» Борбор Азиядагы эн чоң «Русские горки» салынат. Анын узундугу 720 метрди, бийиктиги 34 метрди түзөт. Аттракционго Ысык-Көлгө Боом капчыгайы аркылуу соккон шамалдан улам «Улан» деген ат берилди.
Келгендерге жагымдуу шарт болушу үчүн 2600 метр квадрат аянтты көлөкө кылган, майда суулар чачырап турган зоналар болот. Парктын аймагында 2000ден ашык дарактар отургузулуп, 60 миң квадрат аянт газон болуп, 30 топиардык фигура, 650 фонарь жана 6 чакырым ретрогирлянда жасалат.
АНО «Евразия» — автономдуу коммерциялык эмес уюм. Ал эл аралык кызматташтыкты өнүктүрүп, жеке каражаттарга гуманитардык долбоорлорду ишке ашырат. «Евразия» социалдык маанидеги демилгелерди колдоп, ар кандай маданияттагы адамдардын байланыштарын уюштурууга жардам берет. Багыттардын бири — мектеп окуучуларын, студенттерди, жаш адистерди колдоо. Долбоорлордун арасында билим берүү программалары, мамлекеттик ири компаниялардагы, медиа уюмдардагы стажировкалар каралган.
«Евразия» — бул жогорку окуу жайлардын жана мектеп мугалимдеринин дагы профплатформасы. Журналисттер жана блогерлер үчүн гранттар. «Евразия» биринчи жылдагы ишинде ар кайсы мамлекеттерден 20 миңден ашык адамдын башын бириктирип, евразиялык аймакта гуманитардык байланыштын алдыңкы платформасына айланды.