Turmush — Нарында уникалдуу «Смарт-Нарын-24» аттуу долбоор башталып, шаардын тургундары жана коноктору коомдук жерлерде интернетти акысыз колдонуу мүмкүнчүлүгүнө ээ болушту. Долбоор Кыргыз Республикасынын Президентинин Нарын облусундагы ыйгарым укуктуу өкүлүнүн аппараты, Нарын шаарынын мэриясы, Борбордук Азия университети, «Скайнет Телеком» жана Beeline Кыргызстан («Скай Мобайл» ЖЧКсы) уюлдук оператору менен биргеликте ишке ашырылды.
Beeline Кыргызстан шаардын негизги коомдук жерлеринде (парктарда, аллеяларда, аянттарда, борбордук базарда, ооруканада, драмтеатрда ж.б.) 20 акысыз Wi-Fi түйүндөрүн орнотууга жардам берди.
«Beeline Кыргызстан өзүнүн миссиясын аткарууну улантууда — технологияларды жалпыга жеткиликтүү кылуу. Акысыз Wi-Fi түйүндөрү Нарын шаарынын элине жакындары менен байланышта болуу, билим алуу, пикир алмашуу жана жашоолорун жакшы жакка өзгөртүү мүмкүнчүлүгүн камсыздоо аркылуу көп пайда алып келет деп ишенем», - деп белгиледи компаниянын коммерциялык директору Александр Атаманов.
«Смарт-Нарын-24» долбоорунун аркасында Нарын шаарынын тургундары жана коноктору баарлашуу, иштөө жана окуу үчүн жаңы мүмкүнчүлүктөргө ээ болушту. Ийгиликтүү ишке ашырылган долбоор Нарын шаарын дагы да ыңгайлуу жана заманбап шаарга айлантууга, санариптик теңсиздикти жоюуга жана аймакты санариптештирүү процессин тездетүүгө жардам берет.
Бул мүмкүн! Бул Beeline!
