Turmush — Бүгүн, 4-октябрда Ош шаарында Батыралы Сыдыков атындагы Кыргыз-Өзбек эл аралык университетинде мамлекеттик жана коомдук ишмер Батыралы Сыдыковдун айкели ачылды. Бул тууралуу Turmush басылмасынын кабарчысы билдирди.
И-чарага мамлекеттик катчы Сүйүнбек Касмамбетов, Кыргызстандын Министрлер кабинетинин жана Өзбекстандын өкмөтүнүн мүчөлөрү, Кыргызстандагы, Өзбекстандагы жогорку окуу жайлардын ректорлору катышып жатат.
Кыргыз Республикасы менен Өзбекстан Республикасынын ортосундагы дипломатиялык мамиленин 30 жылдыгына карата өткөрүлө турган иш-чаралардын алкагында 3-4-октябрь күндөрү «Достук» ордендүү Б.Сыдыков атындагы Кыргыз-Өзбек эл аралык университетинин базасында эки өлкөнүн жогорку окуу жайларынын ректорлорунун биринчи эл аралык форуму өтөт.
Эки күнгө созулган форумда эки өлкөнүн жогорку окуу жайларынын жетекчилери билим берүү, илим изилдөө жана башка багыттар боюнча эки тараптуу келишимдердин түзүлүшүнө мүмкүнчүлүк табышат.