Бөлүмдөр
Шейшемби, 12-ноябрь
Жалал-Абад облусуЧаткал району 31.03.2014 18:12

Чаткал районунда аз камсыз үй-бүлөлөргө акчалай жардам берүү өнөктүгүнө мектеп окуучулары да катышууда

Turmush -  Чаткал райондук мамлекеттик администрациясынан билдиришкендей, Терек-Сай айыл аймагы тарабынан «Социалдык адилеттүүлүктүн бир айлык акциясынын» алкагында аз камсыз болгон эки үй бүлөлөрдүн ар бирине эки миң сомдон жана ден соолугу начар бир пенсионерге төрт миң сом акчалай жардам берилди.

Атап айтканда, айыл аймактын бюджетинен жалпысы 8 миң сом акчалай жардамдар көрсөтүлдү.

Чаткал районундагы «Социалдык адилеттүүлүктүн бир айлык акциясына» мектеп окуучулары да жигердүү катышкан. Тактап айтканда, Терек-Сай орто мектебинин мугалимдери Ч.Амракулова, А.Базарбаевалар уюштурган «Камкорчулар» уюмунун мүчөлөрү болгон жогорку класстарынын окуучулары тарабынан аз камсыз болгон үй-бүлөлөргө, мүмкүнчүлүгү чектелүү жана улгайган жарандарга даректүү жардамдар көрсөтүлдү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×