Бөлүмдөр
Бейшемби, 18-июль
Нарын облусуКочкор району 27.01.2014 14:10

Кочкор-Ата шаарында кикбоксинг боюнча жаштар арасында республиканын чемпионаты болуп өттү (фото)

Turmush -  Баракелде - 24-26-январь күндөрү Жалал-Абад облустук Кикбоксинг боюнча федерациясынын демилгеси менен «Мекеним менин-Кыргызстан!» аталыштагы чоң профилактикалык иш-чаранын алкагында, Ноокен райондук мамлекеттик администрациясынын жана «Кыргызнефтегаз» ААКтын колдоосу менен Кочкор-Ата шаарында кикбоксинг боюнча өспүрүмдөр жана жаштар арасында республиканын чемпионаты болуп өттү. Бул тууралуу Жалал-Абад ОИИБдин басма сөз кызматы билдирди.

Аталган мелдешке Баткен облусунан, Баткен шаарынан, Ош облусунан, Ош шаарынан жана Жалал-Абад облусунан, Жалал-Абад шаарынан баардыгы болуп 22 команда: 260 өспүрүм катышты.

Жалал-Абад облустук Кикбоксинг федерациясынын президенти, КРнын эмгек сиңирген машыктыруучусу Алишер Акимбаев облустук укук коргоо органдарын, ушул сыяктуу мелдештерди уюштурууда активдүү иш алып баргандыктары үчүн кубоктор жана Ардак грамоталар менен сыйлады.

Ошондой эле, 23 салмак категориялардагы жеңишке жетишкен 80 жаш спортчуларга акчалай сыйлыктар, баалуу белектер жана дипломдор тапшырылды

Чемпионаттын максаты - жаштар арасында кылмыштуулуктун алдын алуу, өспүрүмдөрдү спортко тартуу, спортчулардын арасында ынтымакты чыңдап, башка жаштарга үлгү болуу, жалпы жаш өспүрүмдөрдү патриоттуулукка, мекенди сүйүүгө тарбиялоо, ошондой эле, быйылкы жылдын жай айларында Италия өлкөсүндө кикбоксинг боюнча жаштар арасында өтө турган дүйнө чемпиондугуна спортчуларды тандап даярдоо болду.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×