Бөлүмдөр
Бейшемби, 18-июль
Баткен облусу 24.01.2014 17:39

Баткенде тажик көзгө атарлары окоп казып, позиция ээлеп жаткандыгы тууралуу маалымат түштү

Turmush -  Баткен районунун Ак-Сай айыл округундагы Үч-Дөбө айылынын түштүк-батыш тарабында жайгашкан тоонун асты жагындагы кырдын үстүнөн Тажикстандын 10-15ке жакын чек ара кызматкерлери жерди окоп (позиция) катары казып, тоонун астындагы дөңсөгө, окопторго цемент куюшуп, арматураларды тургузгандыгы тууралуу Баткен ОИИБнин милиция кызматкерлерине маалымат түшкөн.

Ошондой эле Кыргызстандын тоолоруна тажик көзгө атарлары чыгып, позиция ээлеп жаткандыгы айтылган.

Баткен ОИИБ басма сөз кызматы билдиргендей, алынган маалыматтын негизинде бүгүн, 24-январда саат 12:00дө Баткен ОИИБнин башчысы милициянын полковниги А.Алимбеков, Баткен чек ара отрядынын саркери полковник У.Шаршеев жана күч органдарынын жетекчилери менен биргеликте бул маселе менен жеринде таанышуу жана Тажикстандын күч органдарынын жетекчилери менен Үч-Дөбө айылында орун алган маселени чечүү үчүн жолугушууга барышты.

Бирок, Тажикстандын күч органдарынын жетекчилери башка маселелерди карап жаткандыктан белгиленген саатты 15:00гө жылдырууну суранышкан.

Саат 12:20да А.Алимбеков Үч-Дөбө айылына келип, айылдын 200гө жакын тургуну менен пикир алмашып, коомдук саясий кырдаал боюнча маалымат берди жана Үч-Дөбө айылы менен Тажикстандын чектешкен жеринде тажик аскерлери казган окоп боюнча маселени эки тараптуу чечишери жөнүндө айтып өттү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×