Бөлүмдөр
Ишемби, 7-декабрь
Ош облусуКара-Кулжа району 02.12.2019 18:27 На русском

Россияда турмушка чыккан келинди 2 жаштагы баласы менен төркүнү, кайын журту да кууп чыккан. Сүрөт

Turmush -  37 жаштагы Мунажат Юлдашева ушул жылдын май айынан бери 2,5 жаштагы баласы менен көчөдө калганын айтууда. Ал аймактык кабарчыга барар жери жок болгондуктан ар кимдин үйүндө убактылуу баш калкалап жүргөнүн, баласынын саламаттыгы күн санап начарлап жатканын билдирди.

М.Юлдашева жолдошу менен 2016-жылы Россиянын Москва шаарында баш кошкон.

«Жолдошум менен 2016-жылы таанышкам. Кийин анын сунушу менен баш кошконбуз. 1 жыл өткөндөн кийин балалуу болуп, уулубузга Шерзат деген ысым койгонбуз. Жолдошум баланы менин атыма жаздырууну суранган. Ушул жылдын февраль айында "Кыргызстанга барып тур. Аркаңдан барып, үйгө алып кетем" деп мени жөнөтүп жиберген. 2019-жылы февраль айында ата-энеме баргам. Май айына чейин Ала-Букадагы ата-энемдин үйүндө жашадым. Жолдошум мени үйдөн алып кетүүдөн баш тартканда ата-энем мени үйдөн чыгарып койду. Май айында аргасыз жолдошумдун Кара-Кулжадагы үйүнө бардым. Алар мени, баламды дагы кабыл алышкан жок. Ур-тепкиге алышты. Бирок мен ал жерден чыкпай, 1 ай жашагандан кийин кууп чыгарышты. Июнь айынан бери колумдагы балам менен тилемчилик кылып, ар жерде жалданып иштеп жүрөм», - деди Мунажат Юлдашева.

Ал учурда Ош облусунун Кара-Кулжа районунда жашап жүрөт. Суукта баласынын саламаттыгынан кооптонуп жатканын белгиледи.

«Балам 2,5 жашка чыгып калды. Төрөлгөндө эле жүрөгү оорулуу болчу. Дарыгерлер баланын ден соолугун жакшы кароо керектигин айтып келишет. Бирок баламды дарылатканга шартым жок. Жолдошум бизди ара жолго калтырып кетти. Ата-энемдин алдына бара албайм. 26-27-ноябрда суукта көчөдө калганыбызды көргөн бир эже бизди үйүнө алып барды. Бул жерде убактылуу жашап жатабыз. Кайра кетишибиз керек. Кышында кайда барарымды билбей жатам», - дейт М.Юлдашева.

Кыргызстандагы бардык видеолор: Aimak Akipress

Ал жолдошунан алимент төлөтүү үчүн Кара-Кулжа райондук сотуна даттанган, бирок жооп алган эмес. М.Юлдашева нике күбөлүгүнүн жоктугу ага көйгөй жаратып жатканын кошумчалады.

«Жолдошум менен жарандык никеде жашаганбыз. Ал нике күбөлүгүн мыйзамдуу түрдө Кыргызстанга барганда алабыз деген. Эми тиешелүү жерлерге кайрылганыбыз менен жыйынтык чыкпай жатат. Балам менен иштей албай жатам. Мамлекеттен жардам берүүнү суранам», - деди М.Юлдашева.

Ал жолдошу башка аялга үйлөнүп алганын да айтты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×