Бөлүмдөр
Ишемби, 7-декабрь
Талас облусу, Талас 02.12.2019 14:51

Кыргызстандык алптар: У.Колпочбаевди боюнун узундугу үчүн достору көп тамашалашат (сүрөт)

Turmush -  Манас районуна караштуу Жийде айылынын 20 жаштагы тургуну Умар Колпочбаевди боюнун узундугунан улам тамашалагандар көп. Аймактык кабарчы андан кабар алды.

Өзүнүн айтымында, боюнун узундугу 190 см.

«Үйдө ата-энемдин, туугандарымдын бою кичине. Меники эле узун. Туугандарым болсо «боюң кайда бара жатат?» деп тамашалап күлүп калышат. Кээде таң калышат. Боюма байланыштуу кызыктуу учурлар көп болот. Көбүнчө балдар менен бир жерде сүйлөшүп калсак теңтуштарым «мунун бою узун, буга кеч жетет да» айтып калат (күлүп). Бишкекке барып калганда кичи автобустун шыбына башымды көп эле жолу уруп алган күндөрүм болгон. Мурда волейбол боюнча сунуштар болгон. Бирок шыгым жок болгонгобу, айтор көп кызыккан жокмун.

Азыркы учурда Талас шаарында такси кызматында иштейм. Буйруса келе жаткан жылы юридикалык академиядан билим алайын деген планым бар. Таласта кафе иштетип бизнес кылам. Буйруса ушул чакан ишкерлигимди жайылтып, ар бир жерге тамактануучу жайларды ачсамбы деп жатам. Ошого байланыштуу бош убактым боло бербейт», - деди ал.

Умар мырза үй-бүлөдө 3 бир туугандын ортончусу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×