Бөлүмдөр
Жекшемби, 15-декабрь
Ош облусу, Ош 14.11.2019 16:49

Видео — Ошто айнеги караңгылатылган, номуру жок жол тандабастын айдоочусу жазаланган жок. ЖКККБ эмне дейт?

Turmush -  Ош шаарында үйлөнүү үлпөт тойдогу кортежде мамлекеттик номуру жок унааны токтотуп, бирок кайра коё берген жол тескөөчүлөргө карата кызматтык иликтөө башталды. Бул тууралуу Ош шаары боюнча жол кыймылынын коопсуздугун камсыздоо бөлүмү билдирди.

Маалыматка караганда, мамлекеттик номуру жок жол тандабас Ош шаарындагы Р.Абдыкадыров көпүрөсүнөн токтотулган. Аталган унаанын алдыңкы айнектери да караңгылатылган болчу. Социалдык тармактарга жарыяланган видеодо ЖКККБнын кызматкерлери «Лексус» үлгүсүндөгү жол тандабасты токтотушканда анын артынан бара жаткан «БМВ» унаасындагы балдар түшүп, жол тескөөчүлөр менен сүйлөшкөн. Анын жыйынтыгында ЖКККБ кызматкерлери мыйзам бузган унаанын айдоочусуна протокол түзбөй, коё беришкен.

«Мыйзам боюнча айдоочуга караңгылатылган айнек үчүн жана мамлекеттик номуру жок унаа башкарып жүргөнү үчүн айып пул салыныш керек болчу», - деп айтылат Ош шаардык ЖКККБнын маалыматында.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×