Бөлүмдөр
Бейшемби, 14-ноябрь
Жалал-Абад облусу, Кара-Көл 06.11.2019 15:06

Кара-Көлдө мамлекет кепилдеген юридикалык жардам жөнүндө маалымат берилди

Turmush -  Кара-Көл шаарында 5-ноябрда «Мамлекет кепилдеген юридикалык жардам жөнүндөгү» мыйзам боюнча түшүндүрүү иш-чарасы болуп өттү, деп билдирет аймактык кабарчы.

Ага шаардагы мекеме-ишканалардын жетекчилери, кызматкерлер катышты. Жаңы мыйзам жөнүндө Юстиция министрлигинин алдындагы мамлекет кепилдеген юридикалык жардамды координациялоо борборунун Жалал-Абад облусундагы координатору Камашов Эрмек айтып берди. Иш-чара жаңы мыйзамдын иштешин элге түшүндүрүп, маалымат берүү максатында уюштурулган.

Э.Камашовдун айтуусунда, «Мамлекет кепилдеген юридикалык жардам жөнүндө» мыйзамы жаңы иштеп баштады.

«Толук кандуу иштөөсү үчүн элге түшүндүрүү иштерин жүргүзүү керек. Бул жаатта Жалал-Абадда, Базар-Коргон районунда, Кара-Көл жана Кербен шаарларында атайын борборлор иш алып барууда», - деди Эрмек Камашов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×