Бөлүмдөр
Бейшемби, 14-ноябрь
Баткен облусу, Баткен 21.10.2019 11:55

Рустамбек уулу Давранбек Баткенде өткөн Куран окуу жана азан айтуу боюнча жарышта «Мерседес» утту (сүрөт)

Turmush -  19-октябрда Баткен шаарында түштүк аймак боюнча Куран окуу жана азан айтуу жарышы уюштурулду. Бул тууралуу облустук казыяттан билдиришти.

Маалыматка караганда, 2 күнгө созулган жарыштын жыйынтыгында 10 пара Куран жаттоо боюнча Ош облусунун тургуну Тажибаев Мухаммаджума 1-орунду ээлеп, умрага жолдомо алды. 20 пара жаттоодо Баткен облусунан Кудайназаров Иляс жеңүүчү деп табылып, «Дэу Матиз» унаасы белекке берилди. 30 пара жаттоо боюнча 1-орунга Баткен облусунан Рустамбек уулу Давранбек ээ болуп, «Мерседес» үлгүсүндөгү унаа менен сыйланды. Азан айтуу боюнча жарышта 1-орунду Ош шаарынан келген Абдал уулу Гүлжигит ээлеп, умрага жолдомо алды.

Иш-чарага Кыргызстандын муфтийи Максатбек ажы Токтомушев, Өзбекстан жана Тажикстандан келген коноктор, жергиликтүү аалымдар катышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×