Бөлүмдөр
Шейшемби, 12-ноябрь
Нарын облусуЖумгал району 17.10.2019 20:02

Төлөк баатырдын 300 жылдыгы: Ат оюндарынын жеңүүчүлөрү кимдер болду?

Turmush -  Жумгал районунун Лама айылында Төлөк баатырдын 300 жылдыгы белгиленди. Бул тууралуу аймактык кабарчы билдирди.

Иш-чарада 40 боз үй тигилип, ага 2 миңге чукул эл катышты. Маараке улуттук ат оюндары менен коштолду.

Көк бөрүнүн баш байгесине айыл тургуну Эрлан Турарбек уулу бир унаа койсо, аламандын баш байгесине Турат Шарипканов аттуу жаш жигит да унаа койгон. Башка оюндардын байгесине Чоң-Дөбө айылынын тургуну бир тай, урпактары 50 миң сом коюшкан.

Көк-Бөрү оюнуна жалпы 6 команда катышты.

- 1-орунду Кызарт айылынын командасы ээлеп, ВАЗ 21-04 «Жигули»;
- 2-орунду «Куйручук ата» командасы ээлеп, 10 000 сом;
- 3-орунду «Байзак ата» командасы ээлеп, 6 000 сом;
- 4-орунду Лама айылынын командасы ээлеп, 4 000 сом менен сыйланды.

Кунан чабышка 21 кунан катышып, 14 чакырымга жарышты.

- 1-орунга Кызарт айылынан Азис Алжаңбаевдин Лола кунаны келип, ээси 15 000 сом;
- 2-орунга Таш-Дөбө айылынан Бекназар Көчкөнбаевдин Легенда кунаны келип, ээси 8 000 сом;
- 3-орунга Таш-Дөбө айылынан Нурзат Нурбаевдин Маржан кунаны келип, ээси 5 000 сом;
- 4-орунга Жумгал айылынан Азамат Маадановдун Марал Тору кунаны келип, ээси 3 000 сом;
- 5-орунга Таш-Дөбө айылынан Канатбек уулу Алтынбектин Асыл кунаны келип, ээси 1 000 сом байге алды.

Жорго чабыштын жеңүүчүлөрү:

-1-орунга Баш-Кууганды айылынан Адилет Самудиновдун Алабаш жоргосу келип, ээси 10 000 сом;
- 2-орунга Түгөл-Сай айылынан Ажек Токтогуловдун Буурул жоргосу келип, ээси 5 000 сом;
- 3-орунга Байзак айылынын Баян Маадановдун Көл-Төрү жоргосу келип, ээси 2000 сом алды.

Аламан жарышка 24 күлүк катышып, 22 чакырымга чуркады.

- 1-орунга Жумгал айылынан Чолпонбек Имашевдин Жой күлүгү келип, ээси ВАЗ 21-06 «Жигули» унаасын жеңип алды;
- 2-орунга Таш-Дөбө айылынан Надыр Бийсеевдин Сүлүк Кара күлүгү келип, ээси 15000 сом;
- 3-орунга Чаек айылынан Нурлан Шамыркановдун Саян күлүгү келип, ээси 10 000 сом;
- 4-орунга Кызарт айылынан Амангелди Акматказиевдин Гүлсара күлүгү келип, ээси 5000 сом;
- 5-орунга Чоң-Дөбө айылынан Эркин Төлгөбаевдин Мааникер күлүгү келип, ээси 3 000 сом байге алды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×