Бөлүмдөр
Жума, 15-ноябрь
Баткен облусуБаткен району 16.10.2019 20:57 На русском

Баткенде Кыргызстан менен Тажикстандын вице-премьер-министрлери чек ара маселеси боюнча жолугушту. Видео

Turmush -  Бүгүн, 16-октябрда Баткен шаарында Кыргызстандын вице-премьер-министри Жеңиш Разаков менен Тажикстандын премьер-министринин орун басары Азим Иброхимдин, кыргыз-тажик мамлекеттик чек араны делимитациялоо жана демаркациялоо боюнча эки тараптын өкмөттүк делегацияларынын топографиялык жана укук иштери боюнча жумушчу топторунун кезектеги жолугушуусу өттү. Бул тууралуу өкмөттүн басма сөз кызматы билдирди.

Маалыматка караганда, алар президент Сооронбай Жээнбеков менен Эмомали Рахмондун 2019-жылдын 11-октябрында Ашхабад шаарындагы макулдашуусунун алкагында жолугушту. Анда кыргыз-тажик мамлекеттик чек арасынын калган тилкелериндеги долбоордук сызыкты чийүүнү активдештирүү боюнча ар тараптуу пикир алмашуу жүрдү. Делегациялардын жетекчилери эки өлкөнүн чек ара аймактарында ишке кирген топографиялык жана укуктук маселелер боюнча туруктуу аракеттеги жумушчу топтун алкагында иш жүргүзүү боюнча конкреттүү тапшырмаларды беришти.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×