Бөлүмдөр
Дүйшөмбү, 21-октябрь
Жалал-Абад облусу, Кара-Көл 09.10.2019 15:56

Кара-Көлдө 3 күндө 14 жолбун ит атылды

Turmush -  Кара-Көл шаарында 3 күндүн ичинде 14 жолбун ит атылды. Бул тууралуу 1-вице-мэрдин милдетин аткаруучу Элдияр Бабаканов билдирди. Анын айтымында, шаарда 400гө жакын жолбун ит бар.

«2018-жылдын ноябрь айынан баштап 2019-жылдын июнь айына чейин 300дөй ит атылган. Учурда жолбун иттер көбөйүп, жарандар кайрылып жатышат. Атылган жолбун иттер 12 метр тереңдиктеги беккари чуңкуруна ташталат. Бирок Жазык кодекси боюнча жаныбарларга ырайымсыз мамиле кылуу боюнча берене бар. Негизи биз аларды атпастан ит асыроочу жай уюштурушубуз керек. Бул маселе шаардык кеңештин сессиясында талкууланып, бирок аягына чыккан эмес», - деди ал.

Буга чейин Turmush басылмасы Кара-Көл шаарында 15 жаштагы кызды жолбун иттер талап, ал ооруканага түшкөндүгүн маалымдаган. Бул окуядан кийин шаардык кеңештин депутаты жаш балдарга коркунуч жараткан жолбун иттерди атууну сунуштаган болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×