Бөлүмдөр
Шейшемби, 12-ноябрь
Чүй облусуКемин району 26.09.2019 18:02 На русском

Кеминде 97 млн сомго курулган социалдык шаарчанын көрүнүшү. Сүрөт

Turmush -  Чүй облусунун Кемин районундагы Чым-Коргон айылында демөөрчүлөр тарабынан 97 млн 400 миң сомго жесир аялдар жана жалгыз бой энелер үчүн социалдык шаарча түптөлгөн. Социалдык шаарчанын жалпы аянты 27675 чарчы метрди түзөт.

Тургундарга ыңгайлуу болушу үчүн батирдин ичинде 3 бөлмө, өзүнчө жуунуучу жана от жага турган бөлмөлөр бар. Короонун тегерек-чети тосулган. Бардык батирлер эмеректер, идиш-аяктар, кир жуучу машинка жана газ меши менен жабдылган. 25 үйдө бардыгы 100 батир бар.

150 чарчы метр аянттагы тигүү цех 25 жумуш орунга ылайыкталган. Цех жаңы тигүү машиналар, эмеректер жана тийиштүү жабдыктар менен жабдылды. 72 чарчы метр аянттагы фельдшердик-акушердик пункт (ФАП) Чым-Коргон айылынын бардык тургундарына кызмат кылууга эсептелген. Пункт керектелүүчү эмеректер жана заманбап жабдуулар менен жабдылган. Шаарчанын тургундары үчүн 100 чарчы метр аянтты ээлеген азык-түлүк дүкөнү бар. Ошондой эле мечит, жаштар үчүн кичи футбол аянтчасы курулган. Социалдык шаарчанын 190 метр тереңдиктеги скважинасы калыбына келтирилип, жаңы насос коюлуп, жашоочулар таза суу менен камсыздалды.

Кемин райондук мамлекеттик администрациянын башчысы Нурлан Шаршеналиевдин айтымында, бул жерге жайгаштырылган 100 үй-бүлөнүн ичинен 75 үй-бүлө кеминдик тургундар.

«Биздин социалдык кызматкерлер, Чым-Коргон айыл өкмөтү бул боюнча демөөрчүлөр менен кеңешип иш кылышты. Райондогу жесир аялдар менен жалгыз бой энелердин тизмеси берилди. Калган 25 үй-бүлөнү республиканын булуң-бурчунан демөөрчүлөр өздөрү сунушташты», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×