Бөлүмдөр
Дүйшөмбү, 14-октябрь
Ош облусу, Ош 23.09.2019 11:07 На русском

Ошто белгилүү мушкерлердин ортосунда чыр чыгып, ок атылды

Ош шаары
Ош шаары

Turmush -  Ош шаарында спортчулардын ортосунда чыр чыгып, ок атылды. Бул тууралуу Turmush басылмасынын өздүк булактары билдирди.

Маалыматка караганда, 21-сентябрь күнү К.С. аттуу жаран Р.Т. аттуу спортчунун бутуна ок аткан. Ош облустар аралык бириккен клиникалык ооруканасынан кечээ, 22-сентябрь күнү эртең мененки саат 8:30 чамасында Р.Т.нын оң санына ок тийип кайрылганын тастыкташты. Ал жандандыруу бөлүмүнөн сыныктар бөлүмүнө которулган. Спортчу белгисиз адам ок атканын билдирген.

Бирок Р.Т. бул окуяны четке кагып, учурда үйүндө экенин билдирди.

Алдын ала маалыматтарга караганда, окуя 21-сентябрь күнү кечинде Кара-Суу районунун Фуркат айылында болгон. Белгилүү 2 мушкердин ортосунда чыр чыгып, ок атылган. К.С. жана Р.Т. Кара-Суу районундагы эң мыкты деп саналган спорт клубдун спортчулары. Р.Т. мурда Араван районунда милиция кызматында иштеп кеткендиги дагы айтылууда.

Милициянын маалыматына караганда, аталган факт Ош облустук ички иштер башкармалыгы тарабынан Кылмыштардын жана жоруктардын бирдиктүү реестрине катталды. Материалдар тергөө үчүн ИИМдин аймактар аралык башкармалыгынын криминалдык милиция кызматына жөнөтүлдү.

Аталган спортчулар тууралуу эмне белгилүү?

Р.Т. Түштүк Кореяда өткөн ММА боюнча Азия чемпионатында коло медаль тагынган. Макаодо (Кытай) өткөн мелдеште дүйнө чемпиону аталган.

К.С. шаардык дене тарбия жана спорт комитетин жетектейт. Вале-тудо боюнча Азия жана Евразиянын чемпиону. Кикбоксинг, самбо жана күжүрмөн самбо боюнча спорт чебери.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×