Бөлүмдөр
Жекшемби, 15-сентябрь
Ысык-Көл облусуАк-Суу району 10.09.2019 08:47 На русском

Ысык-Көлдө жөө адамды унаасы менен өлтүрө сүзүп, качып кеткен айдоочу 8 күндөн кийин кармалды

рейд, ночь, авария
рейд, ночь, авария

Turmush -  Ысык-Көл облусунун Ак-Суу районунда жөө адамды унаасы менен өлтүрө сүзүп, өзү качып кеткен айдоочу 8 күндөн кийин кармалды. Бул тууралуу бүгүн, 10-сентябрда Ысык-Көл облустук ЖКККБдан билдиришти.

Маалыматка караганда, кырсык 31-август күнү Каракол—Эңилчек унаа жолунда катталган. Саат 20:10 чамасында Теплоключенка айылынын 1990-жылы туулган тургуну Э.А. жолдон өтүп бара жаткан маалда белгисиз унаа уруп кеткен. Бирок айдоочу окуя болгон жерден качып кеткен. Жабырлануучу Ак-Суу райондук ооруканасынын жандандыруу бөлүмүндө каза тапкан.

Облустук ЖКККБнын ыкчам иш-аракетинин негизинде 8-сентябрь күнү кылмышка шектелип, Ак-Суу районунун 1989-жылы туулган тургуну С.Р кармалды. Ал өзүнүн жүк ташуучу «Мерседес-Бенц» унаасы менен жөө адамды койдуруп кеткендигин мойнуна алды. Учурда тийиштүү экспертизалар дайындалып, иликтөө иштери уланууда.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×