Бөлүмдөр
Жекшемби, 15-сентябрь
Нарын облусуЖумгал району 26.08.2019 17:11 На русском

Жумгалда өткөн «Ордо» фестивалынан фоторепортаж

Turmush -  Нарын облусунун Жумгал районунда унутта калып бараткан улуттук оюндарды кайра жандандыруу максатында «Ордо» фестивалы өткөрүлдү.

Иш-чара райондун Жумгал айыл өкмөтүнө караштуу Ок-Торкой жайлоосунда өтүп, ага болжол менен 1 миңге чукул адам, өкмөттүн облустагы ыйгарым укуктуу өкүлүнүн орун басары Жаркын Ибраева, Ат-Башы районунун акиминин орун басары Ажара Дюшеналиева, район акими Адыл Сапаров, орун басары Гүлбарчын Исакова жана райондогу маданият кызматкерлери, айыл өкмөт башчылары катышты.

Фестиваль улуттук оюндар, кол өнөрчүлүк жана улуттук тамак-аш, суусундуктардын жармаңкеси менен коштолду. Анын жыйынтыгында жеңүүчүлөр аныкталып, байгелери тапшырылды.

Улуттук ордо оюну боюнча жеңүүчүлөр:

- 1-орун Кабак айыл өкмөтү;

- 2-орун Жаңы-Арык айыл өкмөтү;

- 3-орун Көк-Ой айыл өкмөтү.

Упай оюну боюнча жеңүүчүлөр:

- 1-орун Көк-Ой айыл өкмөтү;

- 2-орун Жумгал айыл өкмөтү;

- 3-орун Байзак айыл өкмөтү;

Тогуз коргоол оюну боюнча жеңүүчүлөр:

- 1-орун Кабак айыл өкмөтү (Чолпон Боргемиков);

- 2-орун Куйручук айыл өкмөтү (Азиза Стамова);

- 3-орун Миң-Куш айыл өкмөтү (Эрлан Калиев).

Топ таш оюну боюнча жеңүүчүлөр:

- 1-орун Жаңы-Арык айыл өкмөтү;

- 2-орун Куйручук айыл өкмөтү;

- 3-орун Түгөл-Сай айыл өкмөтү.

Андан тышкары «Мыкты шырдак» наамын Жаңы-Арык айылынан Майрам Түйтеева алса, «Мыкты көлдөлөң» наамын Таш-Дөбө айылынын жашоочусу Майрам Масылканова, ал эми «Мыкты сайма» наамын Чаек айылынан Айпери Жумакадырова, «Мыкты уста» наамын Жумгал айылынан Токтобек Эсенгазиев, «Мыкты зергер» наамын Түгөл-Сай айылынан Рысбек Кудайбергенов алышты.

Фестиваль Жумгалдан чыккан эстрада жылдыздары коштогон концерттик программа менен жыйынтыкталды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×