Бөлүмдөр
Жекшемби, 15-сентябрь
Талас облусуКара-Буура району 23.08.2019 14:40 На русском

Г.Керимбекова Кара-Буура районунун акиминин орун басары болуп дайындалды

Turmush -  Кара-Буура районунун акиминин социалдык маселелер боюнча орун басары болуп Гульба Керимбекова дайындалды. Бул тууралуу бүгүн, 23-августта акимчиликтен билдиришти.

Маалыматка караганда, анын бул кызматка дайындалышы тууралуу буйрукка премьер-министр М.Абылгазиев 13-август күнү кол койгон.

Г.Керимбекова 1962-жылы Кара-Буура районунун Аманбаев айылында туулган. 1980-1985-жылы Фрунзе техникалык институтунун инженер-куруучу бөлүмүн аяктаган.

Эмгек жолу:

- 1985-1991-жылдары: Талас шаарындагы «Таласгаз» базасында өндүрүштүк-техникалык бөлүмдүн башчысы;

- 1991-1997-жылдары: Облустук экономика комитетинде өнөр жай, капиталдык курулуш бөлүмүнүн башкы адиси;

- 1997-2001-жылдары: Талас облустук финансы башкармалыгында Экономика жана прогноз бөлүмүнүн башкы адиси;

- 2001-2008-жылдары: Талас облустук мамлекеттик администрациясында өнөр жай транспорт жана курулуш бөлүмүнүн башкы адиси;

- 2008-2014-жылдары: Талас облустук мамлекеттик администрациясында жарандардын кайрылуусу жана коомчулук менен байланыш секторунун башчысы;

- 2014-2015-жылдары: Өкмөттүн Талас облусундагы ыйгарым укуктуу өкүлчүлүгүнүн документтерди камсыздоо жана жарандардын кайрылуусун кабыл алуу бөлүмүнүн башчысы;

- 2015-жылдан бери Өкмөттүн Талас облусундагы ыйгарым укуктуу өкүлчүлүгүндө жарандардын кайрылуусун кабыл алуу бөлүмүнүн коомдук кабылдамасынын башкы адиси болуп эмгектенип жаткан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×