Бөлүмдөр
Жекшемби, 15-сентябрь
Нарын облусуЖумгал району 16.08.2019 20:34

Жумгалда «Ордо» фестивалы өтөт

Turmush -  Жумгал райондук мамлекеттик администрациясы туристтик фирмалар менен бирге «Ордо» фестивалын уюштурууда. Ал 23-августта райондун Жумгал айыл өкмөтүнө караштуу Ок-Торкой жайлоосунда өткөрүлөт. Иш-чарага райондук, облустук бийликтин өкүлдөрү жана маданий кызматкерлери катышат.

Фестивалда ордо, чүкө, тогуз коргоол, упай, домпой оюндары боюнча жарыш өтөт. Муну менен катар кыргыздын каада-салт, үрп-адаттары жана кол эмгектери боюнча мастер- класстар, ошондой эле улуттук буюмдардын көргөзмөсү өткөрүлөт.

Фестивалдын жүрүшүндө мыкты боз үй, мыкты көлдөлөң, шырдак, кийиз, саймалар аныкталып, байгелер тапшырылат. Фестивалды утурлай улуттук ат оюндары, спорттук иш-чаралар уюштурулат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×