Бөлүмдөр
Шаршемби, 24-июль
Нарын облусуАк-Талаа району 10.07.2019 18:02 На русском

Айыл турмушу: Кол өнөрчү Ж.Дүйшеевага элитанын өкүлдөрү буйрутма беришет

Turmush -  Ак-Талаа районунун 68 жаштагы тургуну Жибек Дүйшеева кыздардын себин даярдап, киреше таап келет. Аны менен аймактык кабарчы таанышты.

Жибек Дүйшеева 40 жыл мектепте мугалим болуп эмгектенген. Анын 1 кыз, 2 уулу, 11 небереси бар.

«Мен көбүнчө кыздардын себин камдайм. Жасаган оокаттарымдын асты Америкага, Швейцарияга, Японияга чейин кеткен. Суроо-талап көп, буйрутмалар биринин артынан бири келип турат. Мага көбүнчө элитанын өкүлдөрү келишет.

Кыргыздын бардык оокаттарын жасайм. Шырдак шырып, курак курап, жууркан жасайм. Кыздын себи үчүн кездемелерди кардарлар өздөрү алып келип беришет. Акыркы кездери унутулуп бара жаткан илме шибеге менен сайма саям. Азыр муну эч ким сайбайт. Бул эмгек көп убакытты талап кылат. Илме шибегени үйрөнөм деп келгендер болот. 3 күндүн ичинде үйрөнсө болот. Неберелерим кызыгып үйрөнүп алышты.

4 жер төшөк, туш кийиз, 6 жаздыкча 30 миң сомго бааланат. Айына 12-13 миң сом түшөт», - деди кол өнөрчү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×