Бөлүмдөр
Шаршемби, 17-июль
Талас облусуТалас району 22.06.2019 12:37 На русском

Мекендештер: Алина айым 5 жылдан бери Түркиянын Бурса шаарында иштеп жатат

Turmush -  Талас районунун А.Огомбаев айылынын 29 жаштагы тургуну Бактыбек кызы Алина Түркиянын Бурса шаарында 5 жылдан бери иштеп жатат. Аймактык кабарчы алыстагы мекендештен кабар алды.

Анын айтымында, бул жакка атасы каза болуп, бир тууган иниси бөйрөгүнөн катуу ооруп, акчага аябай муктаж болгондуктан келген. Азыр иниси дарыланып, айыгып кетти.

«Жумушка жаңы киргенде түркчө бир сөз да билбей, үйрөнгүчө аябай кыйналгам. Жанымда чогуу иштегендер тил билбейт деп жаман мамиле кылган эмес. Үйрөнөсүң деп мен канчалык аракет кылсам, алар дагы ошончолук жардам беришти. Учурда тейлөөчү (официант) болуп иштеп жатам. Бул жерде тейлөөчү деп жаман мамиле кылышпайт. Андай нерсени көргөн жокмун. Бирок түрк аялдары бир аз талапчыл болушат. Көп нерсени жактырбай, сүйлөнө беришет. Көбүнчө «Каяктан болосуң? Канча жылдан бери бул жактасың? Үй-бүлөң менен чогуусуңбу же жалгызсыңбы?» деген суроолорду беришет. Элинен жаман мамиле көргөнүм жок. Чогуу иштешкендер менен аябай жакшы мамиледебиз. Бизди көздөрү жымшык деп аябай жакшы көрүшөт.

Москвада 5 жыл иштегем. Бирок бул жак аябай кооз өлкө. Эс алуучу жерлер көп. Ак-Деңиз, Кара-Деңиз, Мармара деңиздери бар. Кооздугу, тазалыгы өнүккөндүктөн бул жакка келген киши кеткиси келбейт. Бирок иштейм деп келгенден кийин көп убакытымды жумушумда өткөрөм. Бул жактын аба ырайы жакшы, кыш мезгилин көргөндөй болбойсуң. Жайкысын өтө эле ысык. Бош убакытымда кооз жерлерине барып сейилдеп келем. Деңизге барам, көбүнчө үйдө эле болом. Келечекте 2 баламды окутуп билимдүү, акылдуу балдардан кылып чоңойтсом дейм», - деди ал.

Алина айым 5 бир туугандын экинчиси.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×