Бөлүмдөр
Шаршемби, 17-июль
Ош облусу, Ош 17.06.2019 17:17 Жаңыланды: 17.06.2019 19:24 На русском

Жаңжал менен коштолгон отурум: Маркум А.Мамажакыповдун агасы шектүүгө желим бөтөлкө ыргытты. Видео

Turmush -  Ош шаардык сотунда Баткен облусунун мурунку прокурору — маркум Анарбай Мамажакыповдун өлүмүнө шектүү катары кармалган капиталдык курулуш башкармалыгынын мурунку башчысы Мелис Калыковдун кылмыш иши каралып, кезектеги отурум 1-июлга жылдырылды. Бул тууралуу аймактык кабарчы билдирди.

Turmush басылмасы бүгүн, 17-июнь күнү өткөн отурум эки тараптын кайым айтышуусу менен башталганын жазган. Анын жүрүшүндө маркум А.Мамажакыповдун жакындары шектүүнүн жактоочуларын тилдешкен.

Ошондой эле маркум А.Мамажакыповдун ошол кездеги орун басары Арслан Байболсунов суралган. Ал мамлекеттик айыптоочулардын жана жактоочулардын суроолоруна жооп берип жатканда шектүү М.Калыковдун жакындары аны тилдегени үчүн сот залынан чыгарылган.

Андан тышкары Баткен районунун прокурору Мирлан Калыбеков дагы суралды. Ал шектүү Мелис Калыковдун суроолоруна жооп берип жатканда А.Мамажакыповдун бир тууган агасы менен М.Калыковдун ортосунда кайым айтышуу орун алган жана маркум А.Мамажакыповдун агасы М.Калыковду көздөй желим бөтөлкө ыргыткан. Анын кесепетинен эки тараптын ортосунда жаңжал чыгып, сот отуруму жылдырылды.

Окуя тууралуу:

2018-жылы 17-ноябрь күнү саат 22:10 чамасында Баткен шаарынын Турдумаматов көчөсүнөн «Лексус 470» үлгүсүндөгү унаа табылган. Аны кароо учурунда капталдарында кандын тактары болгон.

Баткен ОИИБдин кызматкерлери түнү бою иликтөө иштерин жүргүзүшүп, анын натыйжасында Баткен шаарынын Кызыл-Жол кварталынын батыш тарабындагы участкадан Баткен облусунун прокурору Анарбай Мамажакыповдун киши колдуу болгон сөөгүн табышкан. Бул жагдай боюнча Кылмыш-жаза кодексинин (эски кодекс) 97-беренеси (адам өлтүрүү) менен кылмыш иши козголгон.

Кылмышка шектүү катары Баткен облустук капиталдык курулуш башкармалыгынын башчысы М.Калыков кармалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Тема боюнча:

22.05.2019Баткендеги прокурордун өлүмү: Соттук отурумда жаңжал чыкты. Видео
22.05.2019Прокурор А.Мамажакыповдун өлүмү: Судья менен шектүү кайым айтышты. Видео
07.06.2019Прокурор А.Мамажакыповдун өлүмү: Сот отуруму кайым айтышуу менен башталды. Видео
10.06.2019Прокурор А.Мамажакыповдун өлүмү: Окуя болгон күнү тартылган сүрөттү интернетке ким тараткан? (толукталды)
10.06.2019А.Мамажакыповдун өлүмү: Ичилген арак, «Лексус 470» жана прокурордун чалуусу тууралуу көрсөтмөлөр. Видео
17.06.2019Прокурор А.Мамажакыповдун өлүмү: Сот отурумунда жактоочуларды тилдешти. Видео (толукталды)
Пикирлер
Для добавления комментария необходимо быть нашим подписчиком
×