Бөлүмдөр
Ишемби, 20-июль
Ош облусуКара-Суу району 06.05.2019 08:03

Папан айыл өкмөтүнүн жаңы башчысы шайланат

Эрмат Исмаилов
Эрмат Исмаилов

Turmush -  Ош облусунун Кара-Суу районундагы Папан айыл өкмөтүнүн жаңы башчысы шайланат. Шайлоо 22-майга дайындалганын Борбордук шайлоо комиссиясынын басма сөз кызматы билдирди.

Э.Исмаилов өзү жазган арызынын негизинде Кара-Суу райондук мамлекеттик администрациясынын башчысы – акимдин 26-апрелдеги буйругу менен Папан айыл өкмөтүнүн башчысы кызматынан бошотулган.

Шайлоону Кыргыз Республикасынын мыйзамдарына ылайык уюштуруп, өткөрүү аймактык шайлоо комиссиясына тапшырылды.

-------------------------------------------------

Э.Исмаилов 2017-жылдын 26-январында 3-жолу айыл өкмөт башчы болуп шайланган. Ал 1981-жылы Кара-Суу районунда туулган. Жогорку билимдүү. Үй-бүлөлүү, 5 баланын атасы.

-------------------------------------------------

Буга чейин Э.Исмаиловго жана анын жооптуу катчысы Радахан Самиевага мыйзамсыз жер сатуу боюнча Ош облустук прокуратурасы тарабынан кылмыш иши козголгон. Ал тергөө иштеринин алкагында убактылуу кызматынан бошотулган.

Кара-Суу райондук соту 2018-жылдын 25-декабрында Э.Исмаиловго жана жооптуу катчысына карата козголгон кылмыш иши боюнча чечимин чыгарган. Райондук сот Э.Исмаиловду актап, жооптуу катчысына 100 миң сом айып пул салган. Кийинчерээк Ош облустук соту дагы Кара-Суу райондук сотунун өкүмүн эч өзгөртүүсүз күчүндө калтырган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×